Oihana Andueza Garcia naiz, Osasun Psikologoa eta Gestalt Terapian formatua, baita Gorputz Terapian eta Bioenergetikan ere. Proposatzen dudan terapian, gorputza, bere osotasunean, erdigunean jartzen dut: Berau da ardatz nagusia.

Pertsona bakoitzaren historia eta testuinguruak aintzakotzat hartzen ditut, gure gogo eta gorputzak zeharkatzen dituzten ezaugarri guziak.

Emakumeen* aurkako indarkeria, ahalduntzea, eta tratu onei buruzko tailerrak dinamizatzen lan egiten dut, baita trauma bortitzak jasan dituzten pertsonekin ere.

Halaber, askatasunik gabeko pertsonekin esku-hartze terapeutikoak egiten ditut eta esperientzia traumatiko larriak jasan dituzten pertsonekin, ere bai.

Bestalde, artearen mundua, izan musika, izan dantza, nire pasioa da. Nire saioetan, arlo horretan eskuratutako ideia zein dinamikak baliatzen ditut. Prozesu psikoterapeutikoa, besteak beste, sortzeko prozesu bat ere badelako. Bi eremu horien batasunetik sortu zen nire proposamena: gune terapeutiko bat non ez dagoen epaiketarik ez eta aurrez ezarritako araurik. Pertsonak ekartzen duenetik abiatzen gara, sortzen ari denetik.

Horregatik, bidaia honen abiapuntua elkarren arteko adostasuna eta horizontaltasuna bilatzean datza, gerora, norbere buruaren garapenerako baliabideak bilatu eta aurkitzeko esplorazio bati helduz. Elkar laguntzetik abiatzen gara, auto sostengua lortzeko bidean.